Eng eenzeg Adress wou een Ënnerstëtzung ka fannen fir eng schoulesch a berufflech Orientéierung ze fannen déi sengen Interessen a Kompetenzen entsprécht, an dono di richteg Entscheedung ze treffen wat Beruffsliewen, Aus- a Weiderbildung ugeet.
Agence pour le développement de l'emploi : Orientation professionnelle des ArbeitsamtesDe ADEM/OP mécht individuell Berodungsgespréicher a kollektiv Informatiounssëtzunge fir Jonker an Erwuessener, déi op der Sich no engem fir si gëeegente Beruff sinn. Dëse Service ass zoustänneg fir d’Léierkontrakter, sief et an der Initialausbildung oder awer och an der Erwuesseneléier. D’ADEM-OP berechent och d’Hëllefen, d’Primen an d’Complémente fir d’Entreprisen an d’Léierbouwen a –meedercher.
Action Locale pour JeunesBitt eng perséinlech Begleedung beim Iwwergang vun der Schoul an d’Beruffsliewen, Ënnerstëtzung beim Ausschaffen vun engem berufflechen Projet an der Ëmsetzung dovun. Heizou gehéieren zB Léisung vun organisatoresche Problemer, Opstellen vun engem Zäitplang, Zesummestellen vun engem perséinlechen Dossier a Virbereeden vun de Virstellungsgespréicher. D‘ALJ hëlleft och fir mat aneren Servicer Kontakt opzehuelen.
Cellule d’accueil scolaire pour élèves nouveaux arrivantsRiicht sech u Persounen tëschent 12 a 17 Joer, déi eréischt viru kuerzer Zäit op Lëtzebuerg komm sinn a lo hei wëllen an d’Schoul goen.
Centre de Documentation et d’Information sur l’Enseignement SupérieureAss zoustänneg fir Informatioun iwwer de Studium op enger Héichschoul oder Uni ze ginn.
Centre de Psychologie et d’Orientation ScolairesProposéiert Orientatiounsgespréicher: sech selwer kennen, Entscheedungen treffen, Ausbildungs- an/oder Beruffsprojet opstellen. Informéiert iwwer all Formatiounen
am lëtzebuergeschen oder auslänneschen Schoulsystem. Bitt de Jonken an hire Familljen och eng pädagogesch, psychologesch an psychotherapeutesch Ënnerstëtzung un.
Service National de la Jeunesse