Verschidden Institutioune bidden Hëllef bei der Grënnung vun enger eegener Entreprise :

D’Équipe «Contact entreprise» vun der Chambre des Métiers bitt gratis Berodung fir Leit, déi hiren eegenen Handwierksbetrib grënne wëllen.

• www.cdm.lu

D’Équipe vum «Espace Entreprise» vun der Chambre de commerce bitt déi nämlecht Servicer u fir Leit, déi e Betrib am Beräich Commerce, Horesca, Transport, Industrie a Servicer wëlle grënnen. Um Internetsite vun der Chambre de Commerce gëtt et och eng Rubrik, déi sech ëm d’Grënnung vun Entreprisen dréit.

• www.cc.lu

Wann dir am Norde vum Land sidd, da kann iech och de Guichet unique PME hëllefen.

• www.guichetuniquepme.lu

Speziell fir déi innovativ nei Betriber a Start-up’e bitt LuxInnovation Hëllef un.

• www.luxinnovation.lu

D’«Business Plan Toolbox» ass eng online Hëllef mat Module wéi “mon projet”, “online coaching”, …, fir zukënfteg Grënner vun enger Entreprise.

• www.businessplan.lu

Du hues eng Iddi fir eng nei innovativ Entreprise oder e Projet ze realiséieren? 1,2,3, GO kann iech bei ärem Projet an der Groussregioun hëllefen.

• www.123go-networking.org

Administrativ Démarchen, Informatioun iwwer d’Finanzéierung a vill aner Informatioune gëtt et um Guichet unique vum Staat fir d’Entreprisen.

• www.entreprises.public.lu