ACEL

D’Association des Cercles d’Etudiants Luxembourgeois (ACEL) gëtt all Joer de «Guide du futur diplômé» mat ville prakteschen Informatiounen eraus : eng Plaz sichen, CV schreiwen, … . Dëse Guide kann ee sech op hirem Site eroflueden.

• www.acel.lu

Action locale pour jeunes

D’Action locale pour jeunes (ALJ) ass e Service vum Éducatiounsministère. D’ALJ ass virun allem fir jonk Schoulofbriecher do, mee net nëmmen. Bei der ALJ kriss du gehollef: nëtzlech Adressen, Démarchen, CV. D’Berodung vun der ALJ geschitt virun allem an de regionale Büroen. Déi genee Adresse fënns du op hirem Internetsite.

• www.alj.lu

Centre Information jeunes

De Centre Information Jeunes (CIJ) huet verschidden thematesch Fichen ausgeschafft zu den Themen Aarbecht, Studien, Firma grënnen ,... . Déi fënnt een op hirem Internetsite.

Donieft huet de CIJ och e Guichet an der Galerie Kons op der Gare, wou een sech direkt a perséinlech berode loosse kann: nëtzlech Adressen, Démarchen, CV, … .

• www.cij.lu