Ech wëll mech iwwer Beruffer informéieren
Du weess nach net genee wéi ee Beruff dech interesséiere kéint oder wéi eng schoulesch Viraussetzungen erfëllt musse sinn fir e bestëmmte Beruff léieren ze kënnen; da bass du hei genee richteg:
Gehei och emol ee Bléck op de Klischee typesche Fraen- oder typesche Männerberuff. E Mol am Joer hues du d’Méiglechkeet beim Girls’Day-Boys’Day matzemaachen a fir dech atypesch Beräicher kennenzeléiren.
All weider a wichteg Informatioune fënns du hei:
www.girls-day.lu
Du wëlls méi eng individuell Berodung, wat dai Beruffswonsch betrëfft, da bass du an der Maison de l’Orientation genee richteg:
Ech wëll mech iwwer meng Méiglechkeeten informéieren
Du bass net an der Schoul, hues awer och nach keng Aarbechts- oder Léierplaz fonnt. Du hues d’Gefill an der Loft ze hänken, géifs awer gären eppes dorun änneren a brauchs dobäi Ënnerstëtzung oder awer och nëmme méi Informatiounen?
Treff hei di richteg Leit oder ruff un:
Hues du nach aner Froen déi dir um Häerz léien an deng berufflech oder schoulesch Orientatioun betreffen, da komm bis laanscht an der Maison de l’Orientation:
Ech wëll weise wat ech kann
Et gi vill Méiglechkeeten op di eng oder aner Manéier aktiv ze sinn an dobäi seng Kompetenzen ze entwéckelen: Doheem, an engem Veräin, mat Frënn oder och soss an denger Fräizäit léiers du niewebäi nei Saachen. Maach eppes draus!
Am „Portfolio fir Jonker“ kanns du an enger iwwersiichtlecher Manéier deng Talenter an däin Engagement festhalen.
Méi Informatioune fënns du op http://www.youth.lu.
Vläit bass du schonns zanter enger Zäitchen als Benevolen engagéiert an hues dat awer néierens schwaarz op wäiss stoen? D’„Attestation de l’engagement“ erlaabt dir engem aneren ze weisen, dass du engagéier bass a wat s du kanns.
Weider Informatiounen a Formulaire fënns du op www.snj.lu
Deen een oder anere schafft scho méi laang an engem Beruff ouni e Schoulofschloss an deem Beräich ze hunn. Wann dat de Fall ass dann denk emol driwwer no dir deng Erfahrung unerkennen ze loossen.
Méi Informatiounen dozou fënns du op:
Ech sichen Aarbecht
Du bass op der Sich no enger Aarbecht? Schreif dech esou séier wéi méiglech beim Aarbechtsamt (Agence pour le Développement de l’Emploi - ADEM) als aarbechtssichend an.
Hei gi verschidde Servicer fir Leit proposéiert, déi an denger Situatioun sinn: Hëllef beim Schreiwe vun engem CV, Virbereedung op den Entretien beim Patron, Propositioun vun oppene Plazen, … . D’Aarbechtsamt ass och zoustänneg fir d’Chômage-Indemnitéit, déi ënnert bestëmmte Konditiounen ausbezuelt ka ginn. Des a weider Informatioune fënns du och um Site vun der ADEM:
D’ADEM bitt fir Jonker bis 30 Joer speziell Moossnamen un. Wéi ee Kontrakt op dech zoutreffe kann, deelen dir deng Beroder vum Aarbechtsamt mat:
- de « contrat appui-emploi » www.adem.public.lu
- de « contrat d’initiation à l’emploi » www.adem.public.lu
- de « contrat d’initiation à l’emploi – expérience pratique » www.cie-ep.anelo.lu
Verschidden aner Sitte ginn dir d’Méiglechkeet no enger Aarbechtsplaz ze sichen; hei eng kleng Auswiel:
Ech wëll gehollef kréien a berode ginn
Zanter Januar 2012 gëtt et d’Maison de l’Orientation op der Stäreplaz an der Stad. Ënnert engem Daach fannen sech hei verschidde Servicer, déi individuell op deng Froen zur Orientatioun aginn, respektiv dech op aner kompetent Servicer verweisen, déi dir weiderhëllefen. Informatiounen zu deenen eenzelne Servicer, Uspriechpartner, Ëffnungszäiten, … ginn et op:
Och di verschidde Beruffskammeren si fir dech do, wann s du Froen zur Beruffswelt hues:
Chambre d’agriculture | |
Chambre de commerce | |
Chambre des fonctionnaires et employés publics | |
Chambre des métiers | |
Chambre des salariés |
Informatiounen zum Recrutement beim Staat fënns du um Site:
Ech wëll éischt Erfahrungen an der Beruffswelt sammelen
Eng gutt Méiglechkeet sech e konkret Bild iwwert d’Beruffsliewen ze verschafen ass et an de Schoulvakanze schaffen ze goen. Hei fënns du eng sëllechen Offere fir däin nächste Vakanzenjob:
Du engagéiers dech gären an denger Fräizäit fir eng gemengnétzeg Saach? Klick dech eran a vläit ass jo och fir dech eng passend Aufgab derbäi:
Du hues deng Schoul ofgebrach, méchs grad eng Paus oder wëlls virun dengem Start an d’Beruffsliewen nach eppes erliewen? Da kann et sinn dat e Fräiwëllegendéngscht genee dat ass wat s du sichs:
Du sichs am Kader vun dengem Studium no enger Stagesplaz? Eng éischt Hëllef bitt dir dobäi de Site: